1. Главная
2. о Боге и Церкви...
3. Чины присоединения к Православной Церкви
4. Чин присоединения пятидесятников - антитринитариев

Чин присоединения пятидесятников - антитринитариев

ЧИН ПРИСОЕДИНЕНИЯ ПЯТИДЕСЯТНИКОВ - АНТИТРИНИТАРИЕВ / Чин присоединения к Православной Церкви приходящих из пятидесятников - антитринитариев / Чин присоединение к Православной Церкви совершается в отношении уверовавших во Христа бывших иноверцев, а также покаявшихся еретиков и сектантов. Решениями 1-го (8-е и 19-е правила) и II-го (7-е прав.) Вселенских Соборов были установлены общие правила принятия в Церковь иноверных. В VII веке Шестой Вселенский Собор, подтвердив прежние церковные постановления, окончательно определил принципы присоединения к Православию (95-е правило).

---

---

Каноническая справка

К этим сектам относится все сказанное в чине присоединения пятидесятников-тринитариев,от которых они отличаются лишь отрицанием учения о Святой Троице.Пятидесятниками-антитринитариями являются секты: "Евангельские христиане в духе апостолов" и некоторые новопоявившиеся западные секты языческого толка,врогде движений "Слово жизни","Живая вода"и т.д. относящиеся к т.н."теологии процветания".

ЧИНОПОСЛЕДОВАНИЕ

Архiерей или iерей,приходящаго да испытаетъ,како разумеетъ ученiе пятидесятниковъ :таже покажетъ ему отличiе онаго отъ ученiя Православныя Церкве.

По довольнемъ же испытанiи и наставленiи,повелитъ ему исповедати вся грехи,елики отъ юности своея памятствуетъ.Разрешения,по исповеди,не подаетъ ему.Въ часъ же присоединенiя поставляетъ его при входе въ церковь.Архiерей,одеянъ въ мантiю,епiтрахiль,омофоръ и мiтру,или iерей,одеянный въ епiтрахiль и фелонь,станетъ близь церковныхъ дверей,и желающаго быти православнымъ хрiстiаниномъ вопрошаетъ:

Хощеши ли отрещися отъ погрешений и неправостей учения пятидесятников ?

Ответъ:Хощу.

Вопрошение:Хощеши ли приити въ соединение веры православно-кафолическия ?

Ответъ:Хощу.

Тогда предстоятель благословляетъ его ,глаголя:

Во имя Отца,и Сына,и Святаго Духа,Аминь.

И возложивъ руку на приклоненную главу его,диакону рекшу:Господу помолимся, и клиру:Господи,помилуй, чтет молитву сию:

Господи Боже истины,призри на раба Твоего (имя),ищущаго прибегнути ко святей Твоей православней Церкви и подъ кровомъ Ея сохранитися.Обрати его отъ заблуждения прежняго пути его ко истинней яже въ Тя вере,и подаждь ему благодать,еже ходити въ заповедехъ Твоихъ.Да будутъ очи Твои взирающе на него милостию выну,и уши твои,еже слышати гласъ моления его,и тако да сопричтится ко избранному Твоему стаду.Тя бо поютъ вся силы небесныя,и Твоя есть слава,Отца и Сына и Святаго Духа,во веки вековъ.Аминь.

По молитве сей,вопрошаетъ приемлимаго:

Вопросъ (далее"В"):Отрицаешся ли ложнаго учения,аки бы для спасения необходимы безумные радения ,хульно именуемые крещением Духом Святым?

Ответъ (Далее "О").Отрицаюся сего лжеучения.

В.Отвергаеши ли нечистых духов и все чудеса их,и глаголание на языках ,как ими пораждаемое и влекущее творящех его к вечной погибели?

О.Отвергаю невозвратно.

В.Отрицаешися ли нечестиваго учения,аки Господь наш Иисус Христос не есть истинный Бог единосущный и равный Отцу ,но тварь?

О.Отрицаюся.

В.Отрицаешися ли хульнаго мнения,аки Дух Святый не есть Божественная Самовладычная Личность,но суть безличная действенная сила Божия?

О.Отрицаюся.

В.Отрицаешися ли неправаго учения будто бы грядет некое тысячелетнее царство Божие,а не вечное блаженство праведных и

вечное мучение грешников?

О.Отрицаюся.

В.Отрицаешися ли ложнаго учения,аки для спасения довлеет имети токмо веру,и нет нужды ни в таинствах ,ни в добрых делах?

О.Отрицаюся.

В.Отступаеши ли от прежде бывших твоих лжеучителей ,иже себе самех прельщают,глаголюще,яко безгрешни и святи суть,и сего ради согрешающих,аще бы и очищали быша себе покаянием,не приемлют во общение?

О.Отступаю невозвратно.

В.Отрицаешися ли ложного учения,аки бы крестити подобает токмо верующих возрастных,младенцы же верных не во гресех раждаются и не имут нужды во благодатнем Возрождении?

О.Отрицаюся.

В.Оставляеши ли последование лжеучителем,иже отвергают пять Таинств: Миропомазание, Покаяние, Брак, Елеосвящение и самое Священство, без негоже несть клир священнослужительский,и не имущи хиротонии ,дерзают совершати на токмо Крещение,но и Евхаристию?

О.Оставляю таких лжеучителей.

В.Отвергаеши ли неправое мнение,аки бы в Таинстве Евхаристии хлеб и вино не прелагаются в Тело Христово и Кровь ,и суть токмо видимые знамения Тела и Крове Христовых?

О.Отвергаю сие неправое мнение.

В.Отступаеши ли от согласия с лжеучительми,иже не приемлют священнаго Предания,не чтут святых Божиих и призывание их в молитвах отвергают ?

О.Отступаю,и общения с сими лжеучительми имети не буду.

В.Желаеши ли убо соединитися Святей,Православней, Кафоличестей, Восточней Церкви ?

О.Желаю от всего моего сердца.

В.Веруеши ли,и како ,во Единаго Бога,в Троице славимаго,и поклоняешися ли Ему?

О.Верую во Единаго Бога,в Троице славимаго, Отца и Сына и Святаго Духа, и покланяюся Ему.

И сотворив земной поклон,чтет символ веры.

Посем предстоятель глаголет:

Благословенъ Богъ, просвещаяй всякаго человека,грядущаго въ мiръ.

И присоединяемого вопрошает:

Обещаешися ли Священное Писание по истолкованию,еже предаша нам Отцы и Учителие Церковнии,и еже собержит Православная Церковь,испытовати и уразумевати?

О.Обещаюся и потщуся.

В.Исповедуеши ли Сына Божия истинным Богом,единосущным и равным Отцу?

О.Верую и исповедую.

В.Веруеши ли в Господа Бога Духа Святаго,от Отца исходящего,Личного и Самовладычного, единосущного и равного Отцу и Сыну?

О.Тако верую.

В.Веруеши ли ,яко Христос единожды грядет судити живых и мертвых и Царствию Его не будет конца?

О.Верую и исповедую.

В.Апостольская правила и другая,на Седми Вселенских и Девяти Поместных Соборех постановленная,и прочая Православныя Церкви предания и уставы приемлиши ли?

О.Приемлю.

В.Веруеши ли, яко в Церкви Своей святей Господь наш Иисус Христос учредил Таинств седмь, яко необходимых: Крещение, Миропомазание, Причащение, Покаяние, Священство, Брак и Елеосвящение, чрез нихже подаваемою благодатию вернии раби Христовы бывают наследницы жизни вечныя?

О.Сице о святых Таинствах верую,и оная седмь в Церкви Божией, ко спасению чад Ея, необходимыми исповедую.

В.Веруеши ли,яко никтоже чист от скверны, аще и един день жития его, вси бо в беззаконии зачинаются и во гресех раждаются: того ради подобает крестити и младенцы по вере их родителей и восприемников?

О.Тако верую.

В.Веруеши ли, яко в Крещении, при троекратнем погружении в стихийную воду с произнесением слов:во имя Отца и Сына и Святаго Духа, крещаемый приемлет отпущение всех грехов и возраждается в жизнь духовную и святую?

О.Верую и исповедую.

В.Веруеши ли,яко истинное дарование Духа Святаго подается при святем Таинстве Миропомазания,когда верным подается сила Его для жизни духовной и святей?

О.Тако верую.

В.Веруеши ли,яко в Евхаристии,под таинственными виды хлеба и вина,причащаются вернии Тела и Крове Господа нашего Иисуса Христа во оставление грехов и в жизнь вечную?

О.Верую и исповедую.

В.Веруеши ли ты, что Дева Матия, родившая Христа Бога нашего, есть Приснодева и воистину Богородица, и того ради достойно есть почитати Ея, как честнейшую херувим и высшию сил бесплотных,и поклонятся Ей благоговейно,как первейшей о нас к Богу Ходатаице?

О.Так верую и в молитвах прибегати к Ней потщуся.

В.Веруеши ли ты, что Крест Господа нашего Иисуса Христа, на нем распятаго,не есть с тех пор орудие проклятия и смертной казни, но спасения и жизни вечной знамение, еже на себе изображающе, сетей вражиих избегаем?

О.Сице о Кресте Господнем верую,и сим спасительным знамением ограждати себе от сетей лукаваго со упованием потщуся.

В.Веруеши ли ты, что апостоли,мученицы и все святии,ихже наша Церковь чтит и в молитвах призывает,есть воистину угодники Божии, со Христом во Царствии Небеснем пребывают и о нас грешных молятся?

О.Верую,и святых угодников Божиих отныне в мольбу призываю.

В.Обещаеши ли иконы святые,в Православной Церкви принимаемые ,по разуму Ея почитати,относя чествование им к первообразному,ими изображенному?

О.Обещаю чествовати, как в Православной Церкви заповедано

В.Веруеши ли ты,что Христос есть Глава Церкви,и Он дал есть пастырям Ея власть вязати и решити грехи человеков,благодатию Святаго Духа, рек апостолом: Приимите Дух Свят. Им же отпустите грехи,отпустятся им: и имже держите, держатся?

О.Верую,и послушание священноначалию церковному обещаю.

В.Сие,что изрек ты, от всей ли души твоей и от всего помышления твоего исповедуеши, не принуждением ли к христианской вере приходиши, и от свободнаго ли произволения желаеши ли присоединитися ко Святей Церкви?

О.Истинно все, что аз изрек, сие исповедую, и содержати до конца жития моего содержати потщуся, нелицемерно ко христианстей вере прихожду и присоединитися ко святей Церкви желаю.

Посем предстоятель подает присоединяемому конец омофора,аще святитель,или конец епитрахили,аще иерей,и глаголет:

Вниди в Церковь Православную,и совершенно отринув заблуждения,в нихже был еси, чти Отца Вседержителя, Сына Его Иисуса Христа, и Духа Святаго,иже от Отца исходит,Троицу единосущную и нераздельную.

И тако введ ,поставляет его пред амвоном,идеже на столе положени суть Крест и Евангелие.Идущим же им ,поется псалом 66:

Боже,ущедри ны и благослови ны,просвети лице Твое на ны и помилуй ны:познати на земли путь Твой,во всех языцех спасение Твое.Да исповедятся Тебе людие ,Боже:да исповедятся Тебе людие вси.Да возвеселятся и да возрадуются языцы:яко судиши людем правостию и языки на земли наставиши.Да исповедятся Тебе людие ,Боже,да исповедятся Тебе людие вси.Земля даде плод свой:благослови ны,Боже Боже наш,благослови ны,Боже:и да убоятся Его вси концы земли.

Таже предстоятель повелит ему колена преклонити и глаголет сам стихи сия:

Посли Духъ Твой,и созиждутся,и обновиши лице Земли.

Спаси раба Твоего,Боже мой,уповающаго на Тя.

Буди ему ,Господи ,столпъ крепости отъ лица вражия.

Господи,услыши молитву мою, и вопль мой къ Тебе да приидетъ. По изглаголании,диакону рекшу: Господу помолимся, и клиру: Господи, помилуй, чтет со умилением молитву сию:

Господи Боже Вседержителю,согрешающимъ образы покаяния предлагаяй и заблуждшимъ путь правый показуяй,во еже бы ни единому погибнути,но всемъ мощно бе спастися.Благодаримъ Тя, яко и сему рабу Твоему (имя рекъ) возсиялъ еси светъ познания Твоея истины,и сподобилъ еси его ко святей Твоей Православно-Кафоличестей Церкви прибегнути. Даждь убо ему соединитися оней нелицемерно и невозвратно :сопричти его избранному Твоему стаду:сотвори его сосудъ честенъ и жилище Святаго Твоего Духа,яко да темъ всегда просвещаемь и наставляемь,спасительныя заповеди Твоя нерушимо соблюдетъ,и тако небесныхъ Твоихъ благихъ восприятия сподобится .Ты бо еси Богъ милости и щедротъ и человеколюбия,и Тебе славу возсылаемъ,Отцу и Сыну и Святому Духу,ныне и присно и во веки вековъ.Аминь.

По молитве повелевает ему возстати,глаголя:

Стани добре,стани со страхомъ,и предъ Евангелиемъ и святымъ Крестомъ Спасителя утверди данное тобою обещание.

Он же, возстав, речет:

Веру православно-кафолическую,юже ныне добровольне исповедую,целу и ненарушиму даже до конечнаго моего издыхания,Богу помогающу,твердо содержати ,и заповеди ея радетельно и радостно исполняти потщуся,соблюдая въ непорочности ,елико мощно сердце мое. Во уверение сего моего обещания целую словеса и Крест Спасителя моего.Аминь.

По лобызании, предстоятель глаголет:

Благословенъ Богъ,хотяй всемъ человекомъ спастися и въ разумъ истины приити,сый благословенъ во веки.

Клир: Аминь.

Посем глаголет: Преклони колена Твоя предъ Господемъ Богомъ,егоже исповедалъ еси,и приимеши оставление греховъ твоихъ.

Преклоншу ему колена и главу,предстоятель разрешает его, сице:

Господь нашъ Иисусъ Христосъ,ключи царствия небеснаго апостоломъ вручивый,и давый имъ и ихъ преемникомъ власть вязати и решити грехи человековъ, чрезъ мене, недестойнаго архиерея (иерея), прощаетъ тя, чадо (имя рекъ), и разрешаетъ от связания клятвеннаго или запрещения, и от всехъ греховъ Твоихъ. И азъ, данною мне от Него властию,присоединяю тя ко православней Церкви и привожду ко общению божественныхъ Таинствъ церковныхъ, и благословляю тя Именемъ Отца и Сына и Святаго Духа.Аминь.

Посем аще некрещен есть в Церкви,сподобляется честной купели,аще же крещен миропомазуется по чину святаго Мефодия об приходящих от отступления.И абие посем приступает ко святейшему Причащению.

---

Просмотров: 362

---